أسرة مصرية بسيطة.. الوالد فيها كان شغال في شركة كبيرة، وحصلت ظروف اضطرته يسيب الشغل ويبدأ يشتغل على مشروعه الصغير اللي كان ميكروباص جديد يشتغل عليه.
وأول يوم ينزل فيه حصلت له حادثة، واللي غيرت مسار حياته تماماً.. وده اللي اضطر زوجته إنها تبدأ تشتغل بنفسها عشان تصرف على البيت وتعالج جوزها بعد عدم قدرته تماماً على العمل.
وبعد فترة بدأت تتعرض لديون كتير ماقدرتش توفي بيها.. وده عشان تقدر تشتري بيها أجهزة للخياطة تشتغل عليها، ولكن للأسف بعد عدم تسديد الدين اترفعت عليها قضايا كتير.
لجأت لمؤسسة مصر الخير عشان تدعمها في مشروع تقدر تسدد بيه ديونها وتحمي نفسها من دخول السجن بسببها.. فقدمت المؤسسة دعمها في شكل مشروع صغير يقدر يساعدها في مصاريف البيت ومصاريف دراسة الأولاد.
وبعد قصة نجاحها وتحملها للظروف الصعبة اللي مرت بيها، بتقول: “مصر الخير بتساعد الناس، ولما بيخشوا السجن بتخليهم يعملوا مشاريع ويرجعوا للحياة من تاني.. بدل ما تبقى لحظة يأس”


موقع مصر الخير غير مسؤل عن محتوى التعليقات

إشتراك في النشرة الإخبارية