كريمة عبد الله عبد الرازق هي أم كريمة من أهل قرية دهشور بالجيزة، مهتمة بتربية أولادها وبتحاول تساعدهم رغم ظروفها المعيشية والمادية الصعبة. وده عشان هيه مش مسموح لها بالخروج والعمل بره البيت عشان تكفّي احتياجات البيت عشان العادات والتقاليد المتعارف عليها بين أهل القرية مابتسمحش بكده.

ولكن برغم كل ده.. كريمة اتعلمت إزاي تقدر تعمل اكسسوارات من النحاس والفضة وهيه في البيت، وقدرت تتعلم الحرفة دي من خلال دورات تدريبية، وبدأت تشتغل فعلياً وتبيع منتجاتها وتشتغل على تسويق شغلها بنفسها بين أهل القرية. وبعد كده قدرت توصل لتعاون بمساعدة مؤسسة مصر الخير عشان توسّع انتشار منتجاتها وتسوّق لها في أماكن أكتر.

ودلوقتي كريمة بقت -الحمد لله- في وضع أحسن بكتير مادياً وقادرة تصرف على أولادها في التعليم وبتصرف على تكاليف البيت لوحدها. وتم تكريمها في احتفالية مؤسسة مصر الخير السنة اللي فاتت كأم مثالية وقدوة لكل ست مصرية عايزة تعمل فرق كبير لنفسها ولبيتها.


موقع مصر الخير غير مسؤل عن محتوى التعليقات

إشتراك في النشرة الإخبارية