قولنا نعمل فكرة مختلفة لتشجيع القراءة.. اخترنا كتب كتير في مجالات مختلفة ومناسبة لكل الأعمار، وجيبنا عربية كبيرة عشان تبقى مكتبة بتسافر كل شهر ما بين محافظات مختلفة.

المكتبة المتنقلة هتلاقيها كل شهر في محافظة مختلفة.. ولحد دلوقتي لفّت أكتر من 10 محافظات، ولسه أدامها رحلات كتير هتزور فيها قرى مختلفة في كل حتة في مصر.

كل مكان بنروحه.. بنقابل فيه أطفال القرية وبنتعرّف عليه، وبيختاروا كتب يقرأوها، ومش بس كده.. بيبقى فيه لعب وأنشطة مختلفة بيستمتع بيها الأطفال خلال اليوم.

هدفنا نعوّد أولادنا على القراءة طول حياتهم، مش بس في المدرسة.. وبطريقة بسيطة تخليهم يحبوا يتعلموا كل يوم حاجة جديدة.

ونفسنا كمان نوصّل الفكرة دي لكل مكان في مصر.. عشان الثقافة مصدرها مش بس المدرسة أو الأهل في البيت.. الثقافة بتتكون من مصادر تانية زي الكتب والتفاعل مع الناس وحتى اللعب اللي بيلعبها الأطفال كمان.


موقع مصر الخير غير مسؤل عن محتوى التعليقات

إشتراك في النشرة الإخبارية